Helgin

Jæja þá er enn einni vinnuhelginni lokið, ljúft til þess að hugsa um fríið næstu helgi Við stelpurnar erum búnar að vera frekar spakar, fórum á flakk á laugardaginn, skoða litlar kisur sem Lára "hunda" frænka ætlar að ættleiða....svaka sætar Þá fórum við á Geirsnefið að skrölta. Lilo er nú öll að koma til, gegnir svona sæmilega kalli og skokkar ekki undan þegar á að festa tauminn. Hún fékk nú smérþefinn af því að vera "lítill" hundur, því þarna kom svakalega fallegur strákur "stóri dan" Golíat, og var hann alveg til í að leika Tröllabarnið mitt var nú ansi smátt þarna á hlaupunum, og fékk hún sinn skerf af traðki þarna....allt í góðu.... og mjög gaman hjá þeim. Litla dívan hékk bara að mestu í fótunum á frænkunni....viss um að hún yrði tekin upp 'A sunnudaginn vorum við bara í rólegheitum, fengum okkur bara gott í gogginn og höfðum það næs í stofunni með kaffi og bein Við erum að kanna hundanámskeið núna, verður spennandi að prófa eitthvað slíkt, því Lilo er mjög námfús og virðist hafa áhrif á Ronju líka, því allt í einu er hún farin að heilsa og gera hluti sem hún hefur ekki verið viljug að gera hingað til.....hef hana nú að vísu grunaða um að hafa bara farið á bakvið sófann eftir margar tilraunir til kennslu..... heilsað lagst og rúllað sér og ullað svo í áttina til okka þegar einginn sá Þetta er hunda líf, og við skemmtum okkur konunglega Hafið það gott, og munið að hláturinn lengir lífið....og gerir það skemmtilegra!

Athugasemdir

[Svanhildur Karlsdóttir, 25.2.2008 kl. 12:29]

Já það er gaman að þessu hundalífi

[Lára (IP-tala skráð) 25.2.2008 kl. 13:10]

Já við Ronja verðum að standa saman svo á okkur verði ekki troðið eins smáar við erum báðar lol  

[Bjarndís Helena Mitchell, 25.2.2008 kl. 23:01]

Alltaf gott að lifa þessu hundalífi. Gefur manni svo mikið. Gott að helgin ykkar var svona ljúf.